Roque'nRoll

Nestes días tan pouco habituais convén manter certa rutina. Por iso, deixo aquí algunhas ideas que poden resultar útiles para traballar dende a casa cos máis pequenos e pequenas, sempre que sexa posible.

​

• Cancións:

  • As que mellor funcionan son as mimables (con xestos). Podemos ensinarlles unha canción por día, e se non ten xestos, inventalos.

  • Variar as cancións cantándoas forte ou piano, rápido ou lento.

  • Cantar as cancións poñendo voces diferentes (de animais, por exemplo).

  • Contar un conto que teña unha canción relacionada (tipo "O Polo Pepe").

  • Debuxar ou colorear algunha imaxe que teña relación coa canción.

​

• Exercicios de movemento, nos que se traballa a motricidade grosa. Ao non poder saír á rúa, é bo que busquemos estratexias para que canalicen a enerxía dalgunha forma. Por isto, é imprescindible que se movan, aínda que sexa dentro da casa.

• O xogo das estatuas: se a música soa, bailamos. Se se para, temos que quedarnos conxelados, coma estatuas. É un bo exercicio para a discriminación de son/silencio e aprendizaxe do respecto das normas. Este é un exemplo dunha canción que xa inclúe eses momentos de silencio, pero serve calquera outra música que podemos ir parando:

​

 

​

​

​

​

​

​

 

• O xogo das illas desertas ou The floor is lava: moi parecido ao das estatuas, podemos dispoñer papeis de periódico no chan e, cando a música para, temos que poñernos enriba dun deses papeis. O xogo permite mil variantes dependendo do nivel do neno/a, coma por exemplo establecer a norma de non repetir "illa" ou facelo con cores e dar consignas sinxelas para ir a unha cor ou outra. Tamén podemos decirlles que se paren nunha postura determinada (agachados, de pé cos brazos en alto, facendo dun animal...).

• Cancións de roda: son útiles sobre todo se hai máis dun neno ou nena na casa, pero sempre se poden adaptar ou cantar doutro xeito.

  • na clase emprego moito o primeiro corte deste vídeo de YouTube, Juguemos en el bosque mientras el lobo no está.

​

​

​

​

​

​

​

​

​

​

• Audición activa: podemos empregar obras de compositores "clásicos" para debuxar as emocións que senten coa música á vez que a escoitan. A mellor opción é papel continuo de gran tamaño e moitas cores, pero serve calquera cousa.

​

• Fabricar un instrumento con materiais de refugallo, relacionándose moi estreitamente isto co proxecto do centro deste ano, "Ecolexio - Ti decides".

​

• Aprender unha coreografía sinxela a través de canles de YouTube.

  • GoNoodle

  • ZumbaKids

  • Just Dance Kids

  • The Learning Station

​

• Ideas sobre actividades musicais e de expresión corporal no seguinte libro: https://es.slideshare.net/marielaf39/juegos-de-msica-y-expresin-corporal

​

• Ensinarlles cancións que nos gustaran cando eramos nenos.

​

• Facer un karaoke.

​

• Xogar a O director/directora de orquestra. Podemos empregar instrumentos que teñamos na casa, de pequena percusión, por exemplo, ou calquera outro tipo de superficie ou obxecto que faga ruído. Trátase de seguir as indicacións do director/a e tocar forte, piano, rápido, lento...

​

• Traballar as cualidades do son:

​

​

​

​

​

​

​

​

​

​

• Instrumentos:

​

​

​

​

​

​

​

​

​

 

• Conto: Las aventuras de Jordiet (capítulos do un ao catro) e La isla de los sonidos.

​

​

​

​

​

​

​

​

​

 

• Prosodia musical: a través deste exemplo, podemos crear raps con alimentos ou obxectos que teñamos pola casa, colocándoos en diferentes ordes e variando a velocidade ou intensidade, omitindo algunha das palabras, asociando cada palabra a un xesto...

​

​

​

​

​

​

​

​

​

 

• Percusión corporal: unha boa forma de mellorar a motricidade e fomentar o coñecemento do esquema corporal é o emprego da percusión corporal, que se pode traballar con exemplos coma este.

​

​

​

​

​

​

​

​

​

​