Martes, 17 de marzo de 2020

Bo día, compañía!

Comezamos a primeira sesión LÓVA de forma telemática. Lede todo con atención.

Antes de nada, tres consellos para que todos lle botedes un vistazo estes días:

• Unha web interesante sobre o mundo da ópera: http://www.playopera.com/web/

• O MET (A Ópera Metropolitana de New York) ofrecerá dende a súa páxina web a retransmisión dalgunhas óperas alí representadas! É unha oportunidade boísima para botarlle unha ollada, aínda que sexa un cachiño. Déixovos a web: https://www.metopera.org/ As retransmisións, debido ao cambio horario, son moi tarde (ás 23.30), pero o bo é que están dispoñibles ata durante 20 horas despois da estrea, polo que podedes velo á mañá seguinte. Onte á noite botaron "Carmen", de Bizet, pero aínda se pode ver.

• This is Opera é un programa interesantísimo. Ramón Gener é o seu presentador, e en cada programa investiga unha ópera famosa. https://www.rtve.es/television/this-is-opera/ Podedes empezar polo programa "O nacemento da ópera" => https://www.rtve.es/alacarta/videos/this-is-opera/this-is-opera-nacimiento-opera/3406119/ , ou escollede o título que queirades.

Ante a imposibilidade de reunirnos e de traballar por profesións, vou escribir aquí unha pequena tarefa para cada equipo que debedes enviar antes do martes 24 de marzo a roquenroll2018@gmail.com

• Directora de produción e Rexedor: vede os vídeos que se vos indican e escribide un pequeno texto onde mostredes as vosas impresións, relacionándoos cos oficios que tedes na Compañía 48 Stars. Investigade, ademais, a palabriña destacada: https://www.youtube.com/watch?v=d8UFUoj_PnQ e https://www.youtube.com/watch?v=7x-drU4fHes Que é unha escaleta?

• Maquillaxe e Vestiario: vede os vídeos que se vos indican e escribide un pequeno texto onde mostredes as vosas impresións, relacionándoos cos oficios que tedes na Compañía 48 Stars. Investigade, ademais, a palabriña destacada: https://www.youtube.com/watch?v=L1FaUpbYF3E e https://www.youtube.com/watch?v=wiqqffQF39w Que é unha crinolina?

• Escenógrafos/as: vede os vídeos que se vos indican e escribide un pequeno texto onde mostredes as vosas impresións, relacionándoos cos oficios que tedes na Compañía 48 Stars. Investigade, ademais, a palabriña destacada: https://www.youtube.com/watch?v=_EgXvgrO53g e https://www.youtube.com/watch?v=qG34A5aLPeQ Que é a utilería?

• Iluminadores/as: vede os vídeos que se vos indican e escribide un pequeno texto onde mostredes as vosas impresións, relacionándoos cos oficios que tedes na Compañía 48 Stars. Investigade, ademais, a palabriña destacada: https://www.youtube.com/watch?v=0-3wm10x1oY e https://www.youtube.com/watch?v=PzEpMqNd4mg Que é a platea?

• Compositores/as: vede o vídeo que se vos indica e escribide un pequeno texto onde mostredes as vosas impresións, relacionándoo cos oficio que tedes na Compañía 48 Stars. https://www.youtube.com/watch?v=D7kn7fk-DaI Investigade sobre cinco compositores de ópera e escribídeme o título da súa obra máis famosa.

• Escritores/as: enviádeme un correo dicindo "Ola" para que vos facilite o traballo desta semana.

• Documentalistas: investigade esta web de imaxes libres de dereitos https://pixabay.com/es/ e escollede UNHA imaxe cada un/unha que poda servir para ambientar o fondo da nosa ópera a modo de proxección. Cando a teñades, facede un deseño en Impress e mandádemo ao correo.

• Relacións Públicas: pasádevos ao correo o logo da compañía recortado en círculo (creo que o tiña Elena no seu ordenador) e facede un posible deseño do programa de man, no que apareza o título da ópera, día, hora e lugar da representación.

• Intérpretes: estudiade a vosa parte do libreto. Os escritores enviaranvos a copia actualizada en canto a corrixan.

Revisade o blogue periódicamente para estar ao tanto das novas! Para calquera dúbida, escribídeme.

Boa semana, Compañía!